Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясининг навбатдаги йиғилиши бўлиб ўтди.

Жорий йилнинг 21 февраль куни Ўзбекистон Миллий матбуот марказида Ўзбекистон нодавлат нотижорат ташкилотлари миллий ассоциациянинг 2016 йил мобайнида амалга оширилган фаолияти якунлари бўйича ҳисоботи хамда Ўзбекистон Республикасини ривожлантириш бўйича Ҳаракатлар стратегиясида белгиланган вазифалардан келиб чиқиб, 2017 йилдаги фаолиятининг устувор йўналишларига бағишланган матбуот анжумани бўлиб ўтди.

Бир қатор жамоатчилик ва давлат ташкилотлари ташаббуси билан, 2017—2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини, шунингдек, «Халқ билан мулоқот ва инсон манфаатлари йили» Давлат дастурини амалга ошириш учун «Тараққиёт стратегияси» маркази ташкил қилинди. «Тараққиёт стратегияси» марказини тузиш давлат раҳбарининг фармойиши билан тасдиқланди.

Тошкент вилояти “Ижтимоий ҳимоя” жамияти, Ўзбекистон нодавлат нотижорат ташкилотлари миллий ассоциациясининг Тошкент вилояти Ресурс маркази томонидан жорий йилнинг 8 февраль куни Охангарон туманига қарашли политехника касб-ҳунар коллежида “Соғлом оилага – маънавияти соғлом авлод билан” лойиҳаси асосида семинар ташкил этилди.