Вилоят “Баркамол авлод” болалар марказида ЎзННТМА Наманган вилоят худудий бўлинмаси ташаббуси билан 2018 йил 3-декабр куни “Ногиронлар куни”га бағишлаб ногирон болалар ўртасида “Сен истеъдодлисан” ижодий танлови ташкил этилди.
Наманган вилоят Ҳалқ таълими бошқармасининг вилоят “Баркамол авлод” болалар маркази ҳамкорлигида ўтказилган тадбирда вилоятнинг 11та туманидан 2 нафардан ва Наманган шахридан 6 нафар жами 28 нафар ногирон болалар расм чизиш, каштачилик, мусиқа, рақс йўналишларида ўз ижодий ишлари билан иштирок этдилар. Танлов иштирокчиларининг барчасига ЎзННТМА Наманган вилоят бўлинмасининг ва марказнинг “Фахрий ёрлиқ”лари ҳамда эсдалик совғалари топширилди.
Иштирокчи ногирон болаларнинг ота-оналари томонидан ташкилотчиларга миннатдорчилик билдирилиб, кўрсатилган эътибордан мамнум эканликлари ва келгусида ногирон болаларнинг алоҳида ижодий кўргазмаларини ташкил этишга ҳаракат қилишлари таъкидланди. Тадбир иштирокчиларига бадиий дастур намойиш этилиб, кўнгилочар ўйинлар ташкилланди.
ЎзННТМА Наманган вилоят ҳудудий бўлинмаси бош координатори И.Каримов
Gismeteo