Мамлакатимизда нодавлат нотижорат ташкилотлари ва фуқаролик жамиятининг бошқа институтларини ташкил этиш ҳамда улар фаолиятини қўллаб-қувватлаш борасида кенг кўламли ишлар амалга оширилиб келинмоқда. Шунингдек, давлат ва жамиятни ҳар томонлама ва жадал ривожланиши учун шарт-шароитлар яратиш, мамлакатни модернизация қилиш ҳамда ҳаётнинг барча соҳаларини либераллаштириш каби устувор йўналишларга алоҳида эътибор қаратилмоқда.
Хусусан, Ўзбекистон Республикаси Президентининг 2017 йил 7 февралдаги ПФ-4947-сон Фармони билан тасдиқланган 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида мамлакатимизда фуқаролик жамияти институтларини ривожлантириш, уларнинг ижтимоий ва сиёсий фаоллигини ошириш соҳасида бир қатор вазифалар белгилаб берилди.
Шу муносабат билан, жорий йилнинг 12 декабрь куни Адлия вазирлиги томонидан давлат ташкилотлари масъул ходимлари ва бир қатор нодавлат нотижорат ташкилотлари раҳбарлари ва вакиллари ҳамда ОАВ иштирокида “Нодавлат нотижорат ташкилотларининг давлат органлари билан ижтимоий шериклиги: амалиёт ва натижалар” мавзусида матбуот анжумани ўтказилди.
Таъкидланганидек, фуқаролик жамияти институтлари тизимида нодавлат нотижорат ташкилотларини тобора ривожлантириш, уларнинг чинакам мустақиллигини таьминлаш, ҳуқуқ ва қонуний манфаатларини ҳимоя қилиш, фаолиятини ташкилий-ҳуқуқий, моддий-техникавий жиҳатдан янада қўллаб-қувватлашни кучайтириш муҳим вазифалардан бири саналади.
Шунга кўра, мазкур матбуот анжумани давомида нодавлат нотижорат ташкилотлари фаолиятини янада ривожлантириш ҳамда мамлакатни модернизация қилишдаги ролини мустаҳкамлаш ва уларнинг фаолият самарадорлигини оширишга қаратилган вазифалар ҳақида ўзаро фикр алмашилиб, нодавлат нотижорат ташкилотларига тегишли қонун ҳужжатлари талаблари, уларнинг ҳуқуқ ва мажбуриятлари ҳамда берилган имтиёзлар ҳақида айтиб ўтилди ҳамда бу ҳақида ОАВ вакилларига тегишли маълумотлар берилди.
Тадбир давомида иштирокчиларнинг қизиқтирган саволларига атрофлича жавоб берилиб, уларнинг билдирган фикр-мулоҳазалари ва таклифлари асосида келгусида бу борада қилиниши лозим бўлган вазифалар белгилаб олинди.
Матбуот анжумани конструктив ва самарали мазмунда бўлиб ўтди.
Gismeteo