Germaniyaning “Sharq–G‘arb uchrashuvlari” jamg‘armasi tashabbusi bilan Berlin shahrida “Kelajak almashinuvda – Yoshlar va muloqot forumi” bo‘lib o‘tdi. Tadbirda O‘zNNTMA boshchiligida unga a'zo NNT vakillari ishtirok etdi.

Forumda asosiy maqasad Janubiy Kavkaz, Markaziy Osiyo va Boltiqbo‘yi davlatlari yoshlari o‘rtasida fikr almashish, kelajak bo‘yicha qarashlar va dolzarb masalalarni muhokama qilishga qaratilgan edi. Ishtirokchilar o‘z tajribalari bilan o‘rtoqlashib, xalqaro yoshlar hamkorligi uchun yangi g‘oyalarni birgalikda ishlab chiqish imkoniga ega bo‘ldilar.

Tadbir davomida yoshlar bilan ishlashga oid yangi loyihalar, vositalar va zamonaviy yondashuvlar taqdim etildi. Forum xorijiy faol yoshlar bilan bevosita aloqalar o‘rnatish, xalqaro tarmoqning faol ishtirokchisiga aylanish imkoniyatini ham yaratdi.