“Inklyuziv hayot” ногиронлар жамоат бирлашмаси Ўзбекистон ННТларни қўллаб-қувватлаш Жамоат фонди томонидан эълон қилинган грант танловининг “Ёшлар лойиҳаларини қўллаб-қувватлаш” йўналишида иштирок этиб, грант маблағини қўлга киритган эди.
“Ёшларни касбга йўналтириш ва бандлигини таъминлашга кўмаклашиш” номли мазкур лойиҳа доирасида ногиронлиги бўлган, имконияти чекланган ёшларга касб-ҳунар ўргатиш орқали уларнинг даромадларини ошириш ҳамда бандлигини таъминлаш мақсадида хаттотлик ва "моҳир қўллар" ўқув курслари ташкил этиш режалаштирилган.
Куни кеча мазкур лойиҳанинг тақдимоти бўлиб ўтди. Унда ЎзННТМА Тошкент шаҳар бўлинмаси вакиллари, Мирзо Улуғбек, Олмазор ва Юнусобод туманларидаги маҳаллаларда истиқомат қиладиган имконияти чекланган ёшлар, маҳалла фаоллари иштирок этишди.
Тақдимотда лойиҳанинг мақсад вазифалари, уни амалга ошириш тартиби, кутилаёган натижалар билан таништириб ўтилди.
—Мазкур лойиҳамиз натижасига қараб, келгусида кўпроқ ёшларни қамраб олишга мўлжалланган янги лойиҳалар тайёрлашни режа қиляпмиз. 6 ой давом этадиган ушбу лойиҳани амалга оширишда Мирзо Улуғбек туманидаги “Катта Қорасув” МФЙ раиси яқиндан кўмаклашиб, маҳалла биносидан фойдаланиш имконини бермоқда. Бунинг учун уларга ўз миннатдорчилигимизни билдрамиз, - дейди “Inklyuziv hayot” ногиронлар жамоат бирлашмаси раиси Ҳилола Мирзарахимова.
ЎзННТМА Тошкент шаҳар ҳудудий бўлинмаси
