Йиғилиш кун тартибидаги асосий мавзулардан бири – давлат грантларининг биринчи ва иккинчи танловларига тақдим этилган лойиҳаларни кўриб чиқиш натижалари бўлди.
“Соғлом она ва бола” Давлат дастурида белгилаб берилган вазифаларни амалга оширишда ННТ, ОАВ ва фуқаролик жамиятининг бошқа институтларини кенг жалб этишга қаратилган танловларда 394 лойиҳа 354 та ташкилотдан келиб тушган. 2015 йил билан қиёслаганда, танловларда иштирок этаётган ННТ, ОАВ ва фуқаролик жамиятининг бошқа институтларининг сони 18,5 фоизга, улар томонидан тақдим этилган лойиҳалар сони эса 14,5 фоизга ошди.
Биринчи танлов бўйича 45 та лойиҳаларни молиялаштириш қарор қилинган бўлса, уларни молиялаштиришнинг умумий қиймати 1,1 млрд. сўмни ташкил этади. Қўллаб-қувватланаётган лойиҳалар аҳолининг тиббий маданиятини ошириш, оналик ва болаликни муҳофаза қилиш, хотин-қизлар манфаатларини ҳимоя қилиш, кучли давлат ва адолатли жамиятнинг асосий негизи сифатида оила институтини мустаҳкамлашга қаратилгандир.
Иккинчи данлов бўйича давлат томонидан молиявий қўллаб-қувватланадиган 30 та лойиҳа учун умумий қиймати 750 млн. сўм бўлган маблағ ажратилган. Лойиҳалар ОАВда ижтимоий-иқтисодий дастурлари амалга ошириш жараёнлари, давлат органларининг очиқлигини таъминлаш, шунингдек, жамиятни демократлаштиришда институтнинг кенг ёритилишига йўналтирилган. (www.fundngo.uz)
Шунингдек, бўлиб ўтган йиғилиш якунлари бўйича учинчи ва тўртинчи грант танловларини ўтказиш бўйича қарор қилинди. Қабул қилинган қарорга кўра, танловлар фуқароларнинг ҳуқуқий маданияти ва қонунларга нисбатан ҳурматни ошириш, баркамол авлодни тарбиялаш, ёшларни тадбиркорликка кенг жалб этишга қаратилган шароитларни яратишга масалаларига мўлжалланган бўлиб, шунинг билан биргаликда, имконияти чекланган болаларни турли ҳил спорт турлари, санъат ва илм-фанга жалб этиш йўли орқали ижтимоий мослашишнинг амалий чора-тадбирларини яратишга қаратилган лойиҳалар ҳам иштирок этишлари мумкин.
