Ўзбекистон нодавлат нотижорат ташкилотлари миллий ассоциацияси ҳузуридаги Ўзбекистон нодавлат нотижорат ташкилотларини қўллаб қувватлаш жамоат Фонди
“Пандемия даврида ижтимоий муҳофазага муҳтож оилаларни қўллаб-қувватлашда давлат органларига кўмакдош бўлган нодавлат нотижорат ташкилоти”мавзуида танлов
ЭЪЛОН ҚИЛАДИ
Танловда иштирок этиш учун қуйидаги ҳужжатлар тақдим этилиши лозим:
– Ўзбекистон нодавлат нотижорат ташкилотларини қўллаб-қувватлаш Жамоат Фонди Бошқарув раиси номига ташкилот раҳбари томонидан тасдиқланган ва муҳрланган кузатув хати;
– пандемия даврида ижтимоий муҳофазага муҳтож оилаларни қўллаб-қувватлашда давлат органлари билан ҳамкорликда ёки ўзи амалга оширган ишлари тўғрисида маълумотлар (тадбир ва учрашувларнинг фото ва видео нусхалари, кўрсатилган амалий ёрдамлар, эҳтиёжманд аҳолига берилган кўмаклар ва ҳ.к.з.).
Мукофотлар:
Танлов ғолиблари қўйидаги қимматбаҳо совғалар билан тақдирланади:
– 1-ўринга Компьютер (ноутбук);
– 2-ўринга Планшет;
– 3-ўринга Мобиль телефон.
Ҳужжатлар Ўзбекистон нодавлат нотижорат ташкилотлари миллий ассоциацияси расмий веб-сайтида (www.ngo.uz) ва ижтимоий тармоқларда эълон қилинган кундан бошлаб 2020 йил 10 декабрь соат
1700 гача қабул қилинади;
Танловга ҳужжатлар конвертда (А4 формат) Ўзбекистон нодавлат нотижорат ташкилотларини қўллаб-қувватлаш жамоат Фондига “Ўзбекистон почтаси” орқали жўнатилади (Тошкент шаҳри, 100047, Амир Темур шоҳ кўчаси, 14-уй) Ҳужжатларни қабул қилишда почта штемпелидаги жўнатиш санаси инобатга олинади. Ҳужжатлар тўғридан-тўғри топширилганда, Ўзбекистон нодавлат нотижорат ташкилотларини қўллаб-қувватлаш жамоат Фондига ҳафтанинг шанба ва якшанба кунларидан ташқари ҳар куни соат 1000 дан 1700 гача қабул қилинади.
Танловда иштирок этиш учун қўшимча маълумотларни www.ngo.uz сайтида ёки 71-233-51-96, 71-233-35-26, 71-233-24-92 телефон рақамлари орқали олиш мумкин.
